[Effigiem, rex Croese, tuam, ditissime regum,
Vidit apud manes Diogenes Cynicum,]
Constitit utque procul, solito maiore cachinno
Concussus dixit:'quid tibi diuitiae
5
Nunc prosunt, regum rex o ditissime, cum sis
Sicut ego solus, me quoque pauperior?
Nam quaecumque habui mecum fero, cum nihil ipse
Ex tantis tecum, Croese, feras opibus.'
Titulus et vv. 1-2 Ausonii epig. 56 sunt; vv. 3-8, quos non praebet Z [consensus C K M (L) T], novicios composuit fort. Ugoletus
editio princeps
Ugoletus = T. Ugoletus, Ausonius, Decimus Magnus: Opera Ausonii Nuper Reperta, Parma 1499